منتدى فتكات - منتدى المرأة للنساء فقط


منتدى فتكات تجمع مصرى عربى للنساء فقط يحتوي على العديد من الاشياء التى تهم المرأة من شخصية و بيت و زوج و اطفال و اعمال و حياة وغيره
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 شرح طريقة عمل الفول المدمس من غير قشر ولونه فاتح فى المنزل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
مديرة الموقع 
مديرة الموقع 


عدد المساهمات : 8
تاريخ التسجيل : 27/02/2011
العمر : 26
الموقع : http://fatakat.forums1.net

مُساهمةموضوع: شرح طريقة عمل الفول المدمس من غير قشر ولونه فاتح فى المنزل   الأحد 20 مارس - 8:58:24



ازيكم يا فتوكات يا قمرات
يارب تكون دايما بخير وسعادة
انا جايباكم النهاردة وصفة خطييييييرة بمعنى الكلمة
الفول المدمس والوصفة دى يا جماعة تقدروا تقولوا انها من اختراعى
بس انا حقولكوا جت ازاى الاول
انا طبعا دايما بحب ادمس الفول فى البيت بيبقى انضف وجميل
واكيسة واعينه فى الفريزر وقت ما احتاجه اطلعه
لما جيت هنا السعودية وجبت الفول علشان ادمسه مهما اسوى فيه
القشرة برضه بتبقى صلبة اهرسه فى الكبة برضه القشرة باينة وصلبة ومش حلوة فى الاكل



ففكرت قلت ما فيه اصلا فول من غير قشر ليه ما حدش فكر يدمسه قبل كده
قلت لجوزى
قعد يضحك عليه بس برضه الفكرة موجودة واختكم يعنى بتحب الاختراعات فى
المطبخ المهم عملته فى كوبايه واحدة وقلت اجرب مش حخسر حاجة
انا اعرف ان فيه ناس بتسلقه وبيتاكل مسلوق وبيتعمل منه كمان البصارة
اشمعنى يعنى مانعملش كمان منه فول مدمس
المهم عملته وكانت المفاجاة فول خطييييييييير
بمعنى الكلمة احلى من التانى بكتير وسهل الهضم ومهروس واحلى وانضف من بتاع
المطاعم بمراحل
وجوزى بجد يا جماعة لما عملته عجبه جدددددا
بس شرحته لناس كتير اوى وما عرفوش يطبقوه صح



فانا حعرضه النهاردة بالخطوات والصور علشان يعملوه صح



نبدا باه كفاية رغى
اول حاجة نجيب نصف كيلو فول مدشوش وننقعه من باليل 12 ساعة
وتانى يوم نبدا ندمسه وده شكله لما نقعته تانى يوم





نجيب معاه نصف كوب عدس اصفر وطماطماية كبيرة وخمس فصوص توم





نحط كل ده فى حلة مع بعضهم زى ما انتوا شايفين







بكون غليت ميا فى الغلاية بصب الميا المغلية عليه زى ما انتوا شايفين







احطه على النار العالية
الاول يغلى كويس اوى وبعد كده احطة على اوطى نار عندى واهدى عليه خالص واحط
تحته كمان صفايح اللى بنحطها لما بنعمل الرز
يعنى بدمسه زى العادى بالضبط وايبه على النار الهادية دى يدمس




هنا اهه نقلته على النار الهادية وحاسيبه بقى يدمس براحته وبتابعه كل شوية لو محتاج ميا ازوده ميا
طبعا يا جماعة لازم نعمل الفول ده واحنا صاحيين الصبح لانه بيحتاج كل شوية يتقلب علشان مايلزقش من تحت وتتابعى مايته
يعنى انا كل تقريبا تلت ساعة افتح عليه واقلبه
وطبعا هو زى الفول العادى بيعقد حوالى من 7 الى 8 ساعات لغاية لما يدمس
حتقولولى هو بيستوى بسرعة كفاية عليه وقت اقل من كده حقولك احنا مش بنسلقه احنا بندمسسسسسه والتدميس الفول
علشان يدى الطعم المظبوط مش اقل من 6 ساعات
دلوقت باه انا مصورالكوا مراحل الفول وهو على النار كل ساعة حتلاقيه شكله عامل ازاى
الصورة دى طبعا اول لما حطيناه على النار
طبعا الصور موضحة نفسها












الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatakat.forums1.net
 
شرح طريقة عمل الفول المدمس من غير قشر ولونه فاتح فى المنزل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فتكات - منتدى المرأة للنساء فقط :: أقسام الطبخ :: وصفات الطبخ-
انتقل الى: